今次想同大家分享一下設計方面色彩嘅運用，一般我地會分冷暖色系，而呢啲色系嘅分法主要係根據色彩為人帶黎嘅心理感覺，例如暖色系有黃、紅、橙，而冷色系有青同藍等。但今次要講嘅係中性色系，就係黑、白同灰等。
中性色系可以用作調節色調，以冷色系為例，如果過份單一的話會缺乏活力，但加入中性色系之後會令感覺更加有層次。
好多人未必鍾意單用黑白灰做設計主色。但係其實中性色系除左用黎做配襯同調和之外，其實單獨作為主色系亦可以有非常唔錯嘅效果。例如圖中嘅設計，雖然單位面積唔大，但由於色調嘅關係，唔會比人一種壓迫嘅感覺，配合埋燈光效果更加唔會令人覺得單調。
