成日見好多人上forum話自己裝修中伏，今次簡單講講有咩可以咁伏同有咩基本野自己要小心防範。

裝修最多人怕嘅係超支同超時，首先講下超支嘅問題。有時候超支或者預算有上落係合理嘅，點解嘅?例如突然要對設計或者物料作出改動，呢啲時候當然會出現超支，例如工程期間突然話想加電廁板，呢啲時候會需要對電線同水管作出改動，除左原先材料差價之外，有時甚至需要將已經完成的部份拆除重做，相信大家都會覺得合情合理。除左設計底者物料改動外，需要將完工日期提前或者給予師傅嘅施工時間減少都會令成本上升，因為呢啲情況需要額外嘅時間同人力趕工。以上係常見嘅情況，亦有一啲唔常見嘅，例如工程進行途中發現意料之外的問題，例如報價單上已經列明牆身包括鏟底、批灰、防水以及油牆，但於鏟底時發現出現石屎剝落情況，亦會出現額外開支。講咗合理嘅超支之後當然係講不合理架啦。

有無良裝修承辦商會故意漏報項目，以令工程預算看起來比較便宜。例如報價單上不清楚列明數量或者只將客戶所提出的項目作出報價而略過一啲必做項目。例如客人話油牆，承辦商只報油牆，但相信好多人都知道，其實於翻新或者大裝修時，牆身基本都係要鏟底批灰甚至係做防水。如果落左訂之後先至話你知原來咁多野要做而未於報價單上出現，客人一定大失預算。又或者係一啲未包材料嘅項目冇清潔列明，亦會令客人需要付出額外成本。

至於超時問題，撇除承辦超故意或者管理因素之外，主要係因為天氣問題，但除非極端唔好彩，否則不會超時太久。如果要避免超支及超時問題，可以留意以下基本事項。

1. 報價單要清楚，需要的地方列明數量(例如插頭)
2. 簽署合約時列明大概完工日期或者工程預計所需時間並定期檢視進度(唔好單純睇師傅在唔在場，有啲工序做完係要等嘅例如等塗料乾，冇師傅在場都係正常嘅)
3. 項目是否包括材料，如包括的話則列明可種材料及如缺貨時的處理方法
4. 了解想做項目的基本知識(冇咁多時間?問我地啦)
5. 一般裝修工程會分3期付款，注意每期工程付款比例是否合理

如果有任何疑問，歡迎Facebook留言或者pm查詢，會免費提供意見。