其實成日有左設計或者概念之後，好多人都會煩另一樣野─揀咩料好?有次客人睇完設計之後又問返我地同一個問題，而地板設計係用木紋的。今次會同大家講一講做到木紋地板效果嘅材料，由於種類真係太多，所以揀三種比較多人用嘅材料：實木地板、複合地板同木紋磚。我地會分別講一講三種材料嘅特點同揀選時要注意嘅事項。

首先係實木地板係天然木材烘乾加工後製成的，主要優點係觸感良好，冬暖夏涼，而且由於材料天然所以不含對人體有害物質，保養得宜的話可以長久使用。相對的缺點是價格相對較高、保養較難、需定時打蠟，而且不適合於太乾燥或者潮濕的地方使用，可能會起拱、翹曲或者變形。挑選地板嘅時候要注意木的品種，因為不同木材有不同的特性，另外要注意的是相鄰板材間的厚度差以及銷售方的保養期等。

跟住落黎要講嘅係複合地板，複合地板有不同的物料組成，一般分為四層，分別耐磨層、裝飾層、基材層及平衡層。複合地板優點多、性價比高，因此頗受歡迎。其中優點包括款式多、紋理可以一致、不容易受天氣影響，而且表面不易劃花及相對易於保養。缺點則是由於需膠水製成，因此會有多少游離甲醛的釋放，同時觸感也比不上實木地板。挑選複合地板的時候主要需要注意的是耐磨層的轉數以及地板的甲醛釋放量。耐磨轉數最好在6000以上，而甲醛釋放量則應低於1.5mg/L(E1標準)。

最後要講嘅係木紋 磚，首先優點係由於係瓷磚所以不受潮濕影響，屋內任何位置都可以鋪設，包括廚房及浴室等。同時保養容易、耐磨防刮、只需以水擦拭，而且格價亦頗為相宜。缺點是沒有木質地板冬暖夏涼的效果，高質素的木紋磚會有凹凸的觸感、但始終不及木質地板。選購的時候要注意紋理、重複越少越好，而且要問清楚產品技術及供應商提供的保障等。

如果有任何關於設計、裝修及訂造傢俬的疑問，歡迎facebook inbox查詢。