今次會同大家講講牆身裝飾方法嘅特點，主要分為油漆、牆紙、牆布、特色牆。

其中油漆最經濟實惠，加上有部分油漆帶有防潮、防霉等功能，在不同環境的地方都可以使用油漆。顏色更可以按自己嘅愛好調教，配合傢俬嘅設計，打造獨一無二嘅理想家居。油漆可以給房間帶來極佳的視覺效果，如果你的家居三尖八角，油漆裝飾也可以在牆體和天花進行色彩上的統一，讓空間更完整。

牆紙係款式、花紋上會有更多嘅選擇，價格比油漆高一點，施工時需要注意花紋嘅接駁位、牆角位、牆邊位，比較著重工人嘅技術，耐用性較牆布低，使用一段時間後會較容易見到駁口位。而且想更換其他款式嘅牆紙時，需要摌去舊牆紙。

與牆紙只有一字之差嘅牆布，主要材質為聚酯纖維、純布。同樣擁有多款式、多花紋嘅特性。由於材質嘅特性，牆布能夠起到吸音隔音功效，調節室內溫度。如果想更換其他牆布，不需要額外將牆面摌去，直接刷膠貼布。最大嘅缺點係裁剪位置容易出現破損，價格亦比牆紙高。

最後一種講的裝飾牆身方法係特色牆，因應環境而特別設計一種裝飾，令空間變得更特別。做法有好多種，用不同物料裝上牆身，包括貼上木紋磚、貼上實木木材、甚至於有牆身面做一幅特別紋路或款式嘅木製傢俬，直接用螺絲鑽上牆身。呢種做法價格取決於裝飾品嘅材料及設計，缺點由於呢種做法嘅裝飾品本身有一定嘅厚度，需要占用原有部分空間以及成本一般比較高。

如果希望了解每一種方法要注意嘅地方，歡迎聯絡我們查詢。