成日都有人問究竟傢俬材料有咩分別，今日就同大家簡單講一講幾種常見材料。教你地揀選最適合自己的傢俬材料。現時最常見的傢俬材料主要有4種，分別係實木、夾板、纖維板同蔗渣板。

首先講的係實木，實木係指由原木所造的材料，而木材的種類有好多，常見的包括櫸木，松木同楓木等等。各種木材都有不同的特性。優點主要係相對耐用，紋理天然難以人工模仿，因此受到不少喜愛田園風的人所喜愛。缺點係由於用原本造成，會有木眼及紋理有時未必美觀，同時由於要搵到大塊的原木，因此價錢亦相對昂貴。

之後要講的係夾板，夾板係以數層木板壓製而成，優點係承重力佳，防潮能力及抗曬能力亦好，不而變形，而且可以用有木紋質感的面料，同時價錢亦比實木相宜，因此不少人採用夾板取代實木，作為傢俬材料。缺點係難以焗漆，製作平滑表面時很花工夫，同時因為不而變形的特性，傢俬設計上受到局限。

講完夾板之後到纖維板，纖維板係以不同植物纖維例如樹木、竹等加入膠水以及添加劑再加壓而成亦因加壓制作而有不同密度之分。一般市面上用作製作傢俬的為中密度纖維板，優點係價錢一般比夾板稍平，表面光滑，可以直接作噴油、貼木皮，木紋紙等後期加工，設計彈性比較高。缺點係防潮效果隨密度而影響，密度不高的相對較而受潮。若然受潮，會有下墜和發漲的情況。

最後要講的係蔗渣板，蔗渣板其實係纖維板的一種，多用於大量生產的現成傢俬。密度低，甚至沒有加壓處理。優點是價錢相當便宜，缺點則是不耐用，因為密度低，承重力少，防潮能力亦差，容易變形。咁點解咁多人用呢?其實好多人由於各種原因預計不會長期使用，例如預計會搬遷、於EVENT中短期使用或者喜歡定期轉換風格等，所以亦有極大市場。

如果有任何關於設計、裝修及訂造傢俬的疑問，歡迎facebook inbox查詢。